حكايات جيجى

عني ولا قالتله مستواها ايه ولا اي حاجه خالص فضلت تتكلم معاه وترغي على الباب.. هى قاصده تطلعنى صغيره قدامه... 
مريم.... طب وانتى قصدك ايه يعني مامتك هتستفاد ايه لما ترغي مع المستر.. او تطلعك صغيره قدامو...
ملك... ماما شكلها كده عينها منه...
مريم بضحك.. ايه... يخيبك.. يا بنت انتى باباكى ميت من زمان قوي... لو كانت عايز تتجوز كانت اتجوزت..
ملك.. اه وهتسيب الرجاله كلها وتاخد حبيبى انا عرفاها هى منفسنه منى اساسا... 
مريم بسخريه... حبيبك مره واحده.. امم.... طب خلينا نذاكر يلا بلاش هبل.... 
جات صباح وجابت الشاي والسندوتشات وقالت....
يلا خدوا كله عشان تعرفو تركزو...
مريم..  ماشي يا طنط تلسم ايدك..
صباح راحت اوضتها وملك خلصت المذاكره مع صاحبتها ونامت.. فى صباح يوم جديد كانت ملك لابسه ورايحه المدرسه... وبتحط كريم تفتيح وحجات خفيفه فى وشها... جات صباح وقالت...
بتعملي ايه يا بنت انتى بتحطي ميكاب وانتى رايحه المدرسه...
ملك...  اه في مشكله..
صباح... لا يعني هي مش مشكله بس ليه يعني تحطى منه فى المدرسه.. 
ملك.. ماما ما تعمليش زي مديره المدرسه كفايه علينا قوي مديره المدرسه.... اقولك اهو بلاش منو يا ستي عشان ترتاحي بلاش ميكاب اهو... ابقى خديه وحطيه انتى..
صباح بضيق...  ايه يا بنت الطريقه اللي بتتكلمي معايا بيها دي بقالك فتره حالك متشقلب معايا فى ايه...
ملك.. ولا حاجه يا ماما انا اسفه تمام كده يلا عن اذنك 
ونزلت وبقتت تتمشى هى ومريم لحد المدرسه ومريم كانت بتقول...
يا بنت بالراحه على مامتك مش هفضل اقولك كل يوم بالراحه... الام دى زى العمر مش بتتكرر تانى.. 
ملك... بقولك ايه انا لقيت حل انا لازم اخلي المستر ده ما يجيش عندنا  في البيت تاني...
مريم..  على رايك صح كده.. بدل ما تتخانقي انتى وامك علشان واحد بلاها منه شوفي مستر تاني يديلك الدرس...

ملك.... مستر تاني ايه بس..  انا عايزه المستر اياد ما يجيليش البيت.. بس مش هغيرو فهمتى.. انا مش هخليه يجي البيت عشان ما يشوفش ماما وما يقابلهاش مثلا هو ليه بيجيلنا بيتنا ليه انا ما اروحلوش بيته....
مريم..  علشان لما بيجي يديلك الدرس  لوحدك ما حدش من الاولاد بيكون موجود لانها مش مجموعه.. اما انتى تبقي في بيتك هيبقى اهلك معاكي في البيت... انما لما انتى تروحي البيت عندو هو هيكون لوحده...
ملك... فين المشكله ده استاذ متربي وابن ناس ده تربي 10 مرات... 
مريم.. ايه الهبل ده..  انتى بنت كبيره في الثانويه بنت شابه...  والحركات دي ما تنفعش... واصلا طنط صباح مش هتوافق.. 
ملك..  لا هتوافق ملكيش دعوه انتى تعالي معايا.. 
هو بيدى دروس للمجموعه فى مكان جمب المدرسه عدت عليه وقالت.. 
مستر صباح الخير. 
اول ما شافها راحلها بسرعه وقال.... اهلا اهلا ازيك صباح النور.. خير اتفضلى..
ملك... احم انا كنت عايزه اقولك على حاجه يعني ليه حضرتك بتتعب نفسك وتيجى البيت عندنا.. ليه انا ما اجيلكش البيت عادى...
اياد..  لا هو انا مش بدي دروس في البيت بتاعي يا اما بدي دروس هنا فى السنتر مع المجموعه يا اما بروح انا بيت التلميذه عشان يبقى اهلها عندهم علم وعارفين مواعيد الدرس وكده... انما انا في البيت لوحدي يعني مش معايا حد حتى ماما متوفيه... ف مش هينفع... ايه  بشرح لنفسي ولا فاهمه...
ملك..  لا يا مستر فاهمه بس يعني فيها اي عادي يعني انت مستر وكده.. كاد المعلم ان يكون رسولا... وانت راجل كويس عمرنا ما شفنا منك حاجه وحشه...
اياد... انا ما بقولش ان انا راجل مش كويس ولا انتى بنت مش كويسه.. ما تفسريش الكلام  بمداخل تانيه انتى زى بنتى... بس انا اقصد ان انا مش بدي دروس في البيت لاني بكون لوحدي في البيت فمش هينفع اقول لطالبه تعليلى البيت وانا لوحدي فاهمه مش هينفع نعملها.. فليه يعني انتى مش عايزاني اجي البيت ماله بيتكم انا باجي البيت وبنقعد نشرب الشاي وندي الدرس وتمام ومبسوطين فى مشكله...

ملك... لا بس انا قلت بدل ما اتعبك...
اياد.. لا لا يا ستى ما فيهاش تعب ولا حاجه انا باخد فلوس علشان باجيلك البيت وبديلك الدرس لوحدك.. تجيلى ازاى  هاخد فلوس على حاجه ما بعملهاش ليه اطلعي على الكلاس بتاعك يلا  اشوفك العصر في الدرس  
ملك طلعت من عندو وقالت.. باي ما وافقش موافقش يا مريم... لا وقالى انتى زى بنتى.. 
مريم..  انا قلتلك من الاول انه مش هيوافق بس انتى كدا...
ملك... خلاص بقى عشان انا خايفه..
مريم... خايفه من ايه بس المستر  عمره ما هتعجبه امك ولا هيبصلها.. دى ارمله عندها بنت طولها يعني مش هيعجب بيها نهائي.... المستر اساسا شاب جميل وظريف هيعجب بامك ليه والبنات حواليه ياما صغيرين وحلوين... 
ملك... انتى اصلك مش بتشوفيه وهو واقف يتوشوش مع ماما... امشى امشى...  
العصر كانت قاعده في البيت مستنيه ميعاد الدرس.. راحت تبص  من شباك اوضه مامتها وشافت امها قاعده عند المرايه بتظبط طرحتها...
ملك بضيق.... كمان بتتجهزى عشان تقابله ماشي يا ست ماما...
سمعت الباب بيخبط جريت فتحت وقالت....
اتفضل يا مستر اتفضل..  اهلا وسهلا.. 
اياد.. ايه ده هي مامتك مش هنا ولا ايه !!
ملك بضيق...  لا موجوده ليه حضرتك اول ما تيجي داخل البيت تسال عنها... يعنى هى لو مش هنا هترجع... هو انت جاي ليا انا ولا جاي لماما.. 
اياد... لا جاي ليكى انتى بس ما ينفعش اكون معاكي لوحدينا لازم يبقى في حد في البيت عشان كده بسال يلا يا ملك طلعي الكتب...
بعد شويه جات صباح جابت القهوه وقالت.. اتفضل ياستاذ..
اياد.. تسلم ايدك يا ست صباح والله احلى كوباية قهوه  بشربها هنا عندك...
صباح.. تسلم ربنا يخليك.. 
اياد.. لا والله بجد مش مجامله يعني ليها طعم تانى...
صباح... طعم تانى ازاي يعني هى قهوه عاديه زى اى قهوه... 
اياد.. لا طعمها زى اللى كانت ماما بتعملها زمان.. 
ملك.. ايوه حاجات الامهات بيبقى لها طعم مختلف عشان ماما كبيره زي مامتك عملتها بنفس الطعم...
اياد.. لا بالعكس مامتك ما يبانش عليها كبيره والله انا لما شوفتها معاكي اول مره  فكرتها اختك.. 
صباح.. تسلم كلك ذوق.. 
ودخلت جوه بضيق لحد ما خلص الدرس ومشي... جات وقالت...
ايه اللى كنتى بتقوليه قدام الاستاذ ده... ايه اللي ماما كبيره وكد امك ايه الكلام ده... كنتى عايزه تقولي حاجه 
ملك... لا ما كنتش بقول حاجه كنت بقول ان انتى كبيره عادى... ولا انتى مش كبيره.. 
صباح... لا كبيره.. بس من باب الاداب انك ما تقوليش على  مامتك انها ست كبيره خصوصا قدام حد.. بس بسيطه مش مشكله.. انتى بنتى الحلوه اللى بعدى اي حاجه علشانها.... 
وسابتها وراحت اوضتها... تاني يوم كانت في المدرسه وبتحكى لمريم وبتقول... 
بس ياستى وقاعد يقولها القهوه جميله والقهوه ما اعرفش ايه... وشبه القهوه اللي كانت بتعملهالي ماما زمان.. وهى تقولو تسلم وقالتلو كل ما تيجي عندنا هنعملك قهوه وهاتك يا