بقلم جيجى حصريا لمدونة لمحه
واشتغل بره وجوه كمان يا رقيه.. بس انتى قاعده كدا كدا مش هيكلفك حاجه
رقيه.. انا قاعده ليه هوالاكل اللى بتاجى من ع الباب تقول هاتوه بيعمل روحو.. ولا هدومك اللى بتقلعها دى بتتغسل لوحدها وتتكوى وتستناك تلبسها والعيال وخدمتهم كل دا وتقولىى قاعده
قولتلها خلاص بتتعبى مجاتش على هدمتيتنها يعنى وتنضيف اوضتها اللى هيقسمو ضهرك
رقيه لا جات وانا مش هغير رايى دا اللى عندى مش هخدم حد انا لو تعبان هات خدامه لامك واهى تساعدنى فى شغل البيت
قولتلها بس انا مرتبى ما يقضيش معيشتنا ومرتب للخدامه ما انتى عارفه يدوب مكفين
رقيه ماليش دعوه انا دا اللى عندى ولو جبرتنى اخدمها هاخد عيالى واروح عند اهلى واتطلق منك انا مش خدامه عندكم
قولتلها بضيق خلاص براحتك يا رقيه متعمليش حاجه..
وسبتها ومشيت وانا زعلان منها قوى انها مرضيتش تساعدنى فى حمل امى.. وفى يوم امى كانت تعابنه وبتتالم وفضلت جمبها لحد الصبح وروحت شغلى وانا مهددود وبنام على روحى صاحبى سالنى مالك واما حكيتلو قال حاجه عمرى ماكنت افكر فيها فى يوم من الايام... قالى
ماتوديها دار مسنين يا عمر هما هناك بيراعوهم ويعملولهم كل حاجه وروح كل فترة زورها وشوف طلباتها
قلتلو بدهشه.. ايه دار مسنين.. لمين لامى ليه ده للى معندهمش اهل انما امى عندها انا موجود
قالى لا دا للى ماعندهمش حد يرعاهم وانت عندك حياتك ومش قادر ترعاها ومش هتجبر مراتك ترعاها وتزعلها وتخرب بيتك بايدك انت توديها هناك وهما هيراعوها وانت تروح كل شهر تشوفها هناك والله ياما اولاد ودو اهالينم هناك اسمع منى
فى البدايه رفضت لاكن مع ضغط الشغل عليا وزهق تكرارو وافقت وعزمت انى اودى امى لدار العجزه من غير ماتعرف قولت هسيبها قدامو وامشى.. بس فى اليوم اللى كنت رايح اوديها فيه حصل اللى غير كل حاجه كنت مخططلها
صحيت من النوم على وجع فظيع لايطاق لدرجة انى كنت بصوت منو بالصوت العالى مراتى اتصلت بالاسعاف ورحنا على المستشفى وامى رغم انها مش بتشوف بس جات معانا ومسابتنيش لوحدى وخدت صدمت عمرى اما الدكتور قال. فشل كلوى الكليتين الاتنين وقفو معايا ودخلت جلسات غسيل كلى بس المرحله كانت نهائيه وكنت اتعب جدا وكان جوايا احساس ان دا ذمب امى وعقاب من ربنا على اللى كنت هعملو فيها والتعب كان بيزيد لحد ما الدكتور قالى ان فى متبرع بالكلى وهيعملولى العمليه واخف فرحت جدا وحضنت امى اللى كانت معايا وماسابتنيش ولا لحظه وعملت العمليه فعلا ولما قمت مالقتش امى جمبى فضلت اسال عليها لحد ماتصدمت اما عرفت انها فى الاوضه اللى جمبى لان هى اللى كانت اتبرعت بالكلى ليا والدكتور قالى كدا بالحرف
هى هتاخد شوية وقت لانها كبيره والعمليه مكانتش سهله خالص عليها وتعبت جدا امك بطله وانت محظوظ بيها وقت قولنالها تعب عليكى ناخد كلى منك قالت خدو الاتنين المهم ابنى يعيش.. تقدر تشوفها بس شويه قليلين وتطلع لان حالتكم انتم الاتنين لسه مش مستقره
قعدت مكانى من الصدمه وانا مش قادر استوعب اللى عملتو ولى خبت عنى ولو انا كنت مكانها يا ترى كنت هعمل كدا او لا
دخلت عند امى واول سؤال سالته
ليه ليه عملتى كدا وليه خبيتى عليا يا امى
بس امى ابتسمت بفرحه اما شافتنى وقالت بتعب..
الحمد لله انك بخير وشفتك قدامى دى اقل حاجه اعملها عشانك يا عمر يا بنى انت حبيبى لو قلبى اديهولك يا قلب امك انت لسه صغير والعمر قدامك انما انا ست كبيره وعشت كتير المهم انت تقوم بالسلامه يا ابنى انا مش مهم
قولت بدموع الندم معقول انا استاهل تعملى كدا علشانى يا امى استاهل الوجع اللى انتى فيه دا دا انا كنت
قالت كنت هتودينى دار المسنين صح
اتصدمت لما عرفت انها عرفت بس هى ابتسمت وقالت
مسمحاك يا ضنايا دنيا واخره انا تعبتك وكنت عبئ عليك وضغطتك غصب عنى والله مش بايدى
انهارت من العياط وقلتلها..
كنت غبى يا امى كنت حمار سامحينى انتى تستاهلى اعيش االى فاضل كلو تحت رجليكى انتى امى انا اسف حقك عليا انا هعوضك عن كل حاجه شفتيها هعيش اللى فاضلى كلو عشان بس ارضيكى يا ست الناس
الغريب انها سامحتنى وطبطبت عليا غريزة الام بقى وانا بقيت بحمد ربى صبح وليل انو ادانى فرصة استسمحها واصلح غلطى الكبير فى حقها وحق نفسى لما كنت هرميها فى دار العجزه وكنت بقول لو حصلها حاجه فى العمليه كنت هكمل ازاى وهى راحت عشان انا اعيش.. عايز اقولكم خدو بالكم مش دايما بناخد فرصة فى الاعتزار بس الحمد لله انا خدت فرصتى وصلحت الامور كلها مع امى راضيتها وبقيت اخلى بالى عليها واخدمها وانا مرتاح.. كنت بحاول ارد جميل امى
هى وقت خدمتها ليا كانت بتتمنى انى اكبر وعمرى يطول بس انا فى غفلتى كنت مستنى اخلص منها ندمت ندم عمرى وعرفت قد ايه احنا ولا حاجه قدام امهاتنا و عرفت ان كل جميل ليه رد الا جميل الام مستحيل تردو
