حصرى بقلم جيجى
عيال اختك وتعاملهم وحش وتاخد فلوسهم
حسنه ببكى انا اللى بتعامل وحش اختي الله يرحمها ماتت انا اللي بتعامل وحش انا اللي بتبهدل وبتهان يا ابا وبيتقل مني في البيت ده بقولك محدش عايزنى وجوزى مش بيكلم امو بقولكم ايه
امها.. انا قلتك الكلام ده قبل كدا بطلى تزعلى وتاجى لاننا مش هنطلقك منو بلاش كل شويه ترخصي نفسك وتيجي ونرجعك ما فيش تسيبي بيت جوزك الموضوع ده تنسيه ما فيش طلاق احنا ما عندناش بنته تتطلق مش هنخلي الناس تقول ان احنا عندنا بت متطلقه
حسنه بزعر يعنى ايه انتو هترجعونى ليه يعنى
ابوها.. ايوه تقعدي في بيت جوزك زي الجزمه وحماتك دي ما تخليهاش تمد يدها عليكى تانى انتى بتردي عليها ليه اصلا مترديش متجبيش الكلام لروحك
حسه.. يعني انتو مغلطيني يا ناس بعد كل اللى حكتهولكم ده
ابوها.. ايوه مغلطينك وهترجعي بيت جوزك تانى يلا خدي بعضك وارجعي
حسنه.. هم طلعوني وقفلوا الباب في وشي
ابوها.. تخبطي عليهم وهيفتحولك احنا مش هنيجي معاكي كانك ما جيتيش زي المره اللي فاتت يلا
وامها طلعتها وقفلت الباب فى وشها وحسنه وقفه مكانها بدموع وهي مش عارفه تكمل طريقها على فين كرامتها مش سامحه لها انها ترجع بيت جوزها تاني واهلها رافضين انها ترجع بيت اهلها قعدت قدام الباب بدموع. بس طلع ابوها وقال..
انتى لسه هنا انا عارف راسك ناشف قومى تعاىى معايا
حسنه.. يابويا خلاص سيبنى انا معوزاش اروح هناك تانى
ضربها قلم وقال.. اش اكتمى من ميته البنات بياخدو رئيهم كمان
وشدها من ايدها ووداها لجوزها وخبط على الباب فتحلهم حمدى وقال
اى فى اى
ابوها.. جبتلك حسنه اهه انا طيبت خاطرها وجبتها متزعلهاش تانى عاد دى مرتك يلا روحى مع جوزك يا حسنه
وسابها ومشى وتجاهل دموعها وعنيها اللى بتترجاه ياخدها وما يسبهاش هنه .. وحمدى قال..
اهه ابوكى غلطك وجابك عشان متفكريش الغلط عندنا اهو رجعك تانى لينا يحقلى اعمل ما بدالى معاكى
حسنه بوجع.. حقك الواحد لو رخصوه اهلو ولو غلوه اهلو واللى بيرخصوه اهلو محدش بيغليه
ونامت ودموعها على خدها وتانى يوم كانت بتنشر هدوم سعاد على الحبل وجات سماح وقالت
بت يا حسنه تعالى اكوى هدوم حماتى عشان استعجلتى ع الوكل وعايزه اجهزهولهم
حسنه حاضر وراحت وبقت تكوى هدوم سعاد بس لقت الولد راح يوقع من على السلم سابت المكواه على الهدوم وجريت تجيب الولد ولحقتو على الحافه شالتو وجابتو بس افتكرت المكواه جريت بسرعه تشوفها بس لقت العبايه بتاعت سعاد اتقطت فى النص ضربت على خدودها بصدمه وقالت
احيه روحت فى داهيه والله هتموتنى فيها دى مؤذيه قعدت على الارض وبقت تبكى دخلت سماح وقالت
ايه ده قطعتيلها عبايتها الجديده يخربيتك
حسنه بخوف اش اش وطى صوتك انا هعدلها
سماح قالت بصوت عالى قاصده تسمعهم.. هتعدلى ايه دى خلاص اتقطعت باظت كدا ما هتنفعش تانى وحماتى هتموتك عليها يا بت
حسنه بتوتر اش بقولك وطى صوتك انا هتصرف
سماح بصوت اعلى.. تتصرفى ايه بس انتى هتتصرفى على روحك العبايه اتقطعت خلاص يا بت ملهاش حل تانى
جات سعاد على صوت سماح وقالت عبايت مين اللى اتقطعت يا بت انتى وهى
حسنه بخوف وهى بتخبى العبايه ورا ضهرها
ها لا مفيش يا خاله
سعاد.. مفيش كيف انا سامعه سماح وهى بتقول ان العبايه اتقطعت ومش هتنفع تانى عباية مين اللى اتقطعت يا بت انطقى
وشدت اايد حسنه بس ضربت على صدرها بخضه اول ما شافت عبايته مقطوعه فى ايد حسنه اللى كانت بتحاول تخبيها وقالت..
قطعتى عبايتى يا حزينه انتى مش نافعه لحاجه واصل
حسنه بخوف.. طب اهدى انا انا هجبالك غيرها
سعاد.. تجبيلى غيرها يا معفنه وانتى تقطعيها ليه اصلا يا خايبة الرجا انا هربيكى عشان تتعلمى تردى عليا عدل..
ومسكتها وبقت تضرب فيها وتشدها من شعرها وحسنه كانت بتحاول تفلت منها بس من غير فايده.. بس سعاد مسكت المكواه وقالت..
ودينى لالسعك بيها زى ماقطعتي العبايه
ومسكت المكواه وخطتها على حسنه.. حسنه صرخت بالم وبعدت وحاولت تاخد منها المكواه بس سعاد كانت ماسكاها جامد وبتقول.. ودينى لوريكى هوريكى ازاى تقطعيها
وكانت مصره تلسعها بيها تانى بس حسنه زقتها جامد عشان تسيبها وسعاد وقعت على الارض بصتلها بغل وقالت
انتى بتضربينى يا بت الجزمه
حسنه بخوف لا انا انا ببعدك بس والله مكانش قصدى
بس حمدى دخل بغضب وهو بيقول..
فى اى صوتكم طالع ليه انتى بتزعقى مع امى
بس سكت بصدمه لما لقى امه واقعه ع الارض وقال..
اما مالك فى ايه
سعاد قالت بغل مرتك ضربتنى يا سبع الرجاله ضربتنى ووقعتنى
حمدى اتقدم عليها بغضب وهى قالت برعب..
انا مقصدتش والله انا كنت ببعدها بس
بس مسكها من شعرها جامد وبقى يضربها بالقلام وباديه ورماها على الارض وفضل يضربها برجليه وهى كانت بتحاول تبعد بس فضل يضرب فيها وهى بتحاول تبعد
نبيله كانت اتصلت بام حسنه تاجى تلحق بنتها بس حسنه كانت وصلت للسلم وحمدى ضربها برجلو وقعت لاخر السلم.. حمدى نزل يشوفها بس لقى دم مغرق دماغها.. نزل لمستوها وحاول يقومها بس من غير فايده كانت ام حسنه وابوها وصلو وجريو عليها بس لقوها ماتت ابوها بقى يهز حمدى وقال بغضب..
انت قتلتها قتلتها ليه
حمدى.. مكانش قصدى انا ضربتها زى ما بضربها على طول هى ماتت
ابوها وانت تضربها ليه..
عادى انا ضربتها وانت رجعتهالى بيدك عملت فيها اللى عايزه لان مفيش حد يوقفنى متلومنيش انا لوم نفسك انت السبب لو مرجعتهاش مكانتش ماتت
حمدى كان ندمان لان مصيرو السجن وسعاد بقت تبكى على ابنها اللى هيقضي اللى باقيلو فى الحبس.. اما ابوحسنه قعد على الارض بنهيار وندم شديد وامها كانت حضناها وبتبكى بقهر وتقول يا بتى. قومى يا بتى انا ضيعتها بيدى .بيدى ضيعتك يا بتى قومى وهاخدك من هنا مش هرجعك ليه بس قومى قومى يا حسنه..
بس لا حياة لمن تنادى راحت منهم ورتاحت اهل عدمهم احسن من وجودهم.. ارتاحت من بيت جوزها اللى عمرهم ما قدروها.. ومن اهلها اللى عمرهم ما فهموها..
